الكلمات المتقاطعه والوفيات

ربط غريب قوي موجود في الجرايد ان الكلمات المتقاطعه موجوده في الصفحه الاخيره في الجورنال مع الوفيات جايز الي عمل ده كان يقصد يوعي الموظفين الي بيقعدوا يحلوا الكلمات المتقاطعه ويسيبوا شغلهم طب ده كان زمان دلوقتي بقي لازم يبقي في مع كل لعبه موبيل صفحه وفيات اهو برده يبقي مكسب يمكن الموظفين يتعزوا وكمان بنصح الحكومه مع كل طلب المواطن ياخده لاي حاجه بدل مايبقي في دمغه ممكن تبقي حبيه مهدئه عشان المواطن يبقي بارد فيقدر يتعامل مع الموظف الي طبعا واخد تطعيم برود ووووحدوووووووووووووووووووووه

ربنا لاتؤاخذنا بما فعل السفهاء بنا

ياه هذا هو حال النفاق والكذب في بلدنا الحبيب السيد رئيس تحرير الاهرام السيد اسامه سرايا عندما تكلم علي الاشاعه التي تناولنها مصر باسرها عن وفاه الرئيس وعن ترويج بعض الصحفيين اصحاب الايدي الملوثه ومنهم ةابراهيم عيسي (مع حفظ الالقاب التي اظن انها لا تهم استاذنا ابراهيم عيسي قدر ما يهم مصلحه هذا البلد)
فاذا كان من راي اليد اسامه هو واصحاب الصحف الحكوميه (ليست القوميه) ان الاستاذ ابراهيم عيسي كان يروج اشاعه وانه من السفهاء فاذن فان كل الشعب المصري الذي لا تحمل جنسيته فانه سفيها فاذا وهذا ليس كلامي انا بل كلام استاذنا الفاضل اسمه سرايا حيث ان مصر باسرها كانت تتحدث يعني ال\قهوة كانت طول النهار بتتكلم في حاجتين في الاشاعه دي وحكايه عمرو ذكي وشوبير والشتيمه فعلا
عجب عليك يا زمن

الدرس انتهي(اعاده)؟

الدرس انتهى لموا الكراريس
الدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـارراسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهىلموا الكراريس ..
ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهىلموا الكراريس …
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس
(ابعت ىتحيه للراحل صلاح جاهين واهدي يها لكل من ساعد في تطبيق الكويز والي بيقول تطبيع)
بيقولو يا عالم تطبيع
وهما نازلين فينا تقطيع
ايشي جواسيس
وايشي الخسيس
ولا بلغتنا
الناس السيس
وعلي رايك يا عمنا يا جاهين
عجبي عليكي يا ملايين
يالي نسيتي حطين
وحطييطي راسك في الطين
فينك يا صلاح الدين
تيجي تشوف خبت الملايين
مهما الدرس بيتعاد
هما دايما ساقطين
قوم يا بني لفلنا سجارتين
عشان نعجب المسؤلين
بس
خليكو ساكتين
(hoooooooooooooooooooooooooooooooooooooooooooooooooooooooooooooooos)
الشعب العربي نايمين
وان شاء الله علي العصر صاحيين

القضيه ضد مجنون

في كلمتين نفسي اقولهم وقافين في زوري حاسس لو مقلتهمش هموت ياله الموت دية حاجه جديده نجربها ايه هم بقي الكلمتين في موضه ماشيه في البلد اصل الي عمل ده عنده خلل عقلي اصله مجنون فقولت يعني انا ممكن اريح الناس وبدل ما يقولوه القضيه ضد مجهول لا تبقي ضد مجنون والحمد لله احنا عندنا في البلد وفره منهم احنا قربنا نصدر وهنجيب عمله صعبه ونعلي من اقتصاد البلد(ده الي قالوهولي في المدرسه بس اظاهر كانو بيكدبو)وتبقي تمام ياله هنقيد المقالضد مجنون وخليك عاقل لتلبس مقال

الاعلانات

في اعلان بيجي في اذاعه بيقول انه لو في حد بيكلمك وعايز تخلع منه ممكن تجيب مؤثرات صوتيه تقول انك في مكان تاني زي الاستاد الفكرة لذيذة وكل حاجه بس في مشكله انهم بيعلمو الناس الكدب يعني عملين اعلان ازاي تكدب طب لو طفل سمع الاعلان ده مامته ولا باباه يقولوله الكدب حرام ازاي ولا الاعلان لو عايز تبعت رساله لمحمول من غير مالرقم باعك يظهر يعني يالي عايز تعاكس عاكس ولا في اعلان دايما بييجي في رمضان عن مخل ديكور الست بتقول فيه ان المطبخ بحوالي تسعين الف بس ويا بلاش انا مش معترض علي سعر المطبخ ولكن ليه مصرين يفطروا الناس في رمضان والان مع فاصل من الاعلانات ونواصل

بقالنا كتير قافلين معلش موسم امتحانات بقي واصل الواد الصبي الي عندي كان بيحضر لرساله الماجستير امال الي يشتغل في قهوتي لازم يكون واحد مثقف ده انا قبلته عشان جي بواسطه من الحاج عبده الجزار اصله كان شغال هناك قبل كده المهم انا حسيت ان الواد تعبان في المذاكرة فقلت اساعده جبته في يوم بعد مسمعت عن موضوع جامد الناس بتاخد بيه الماجستير وبتشتغل ريس للقسم او للجامعه ولا وزير (من غير حرف الواو)المهم جيه الواد فقلتله انا سمعت ان فيه حوار نقل وبتاع وشيل وانت ماشاء الله صحتك كويسه ويخليك تاخد الماجستير والدكتوراه بسرعه وبس مش كده ده يخليك تشتغل في شغلانه جامده وان كانت علي العتاله هما يومين مع عم عباس البنا وهتبقي تمام انا قلت الكلمتين دول ولقيت الواد تنح وبيقولي ايه ده يا اسطينقي ايه وعناله ايه قلتلو لصل انا يا بني سمعتهم ان في رئيس قسم مش عارف في جامعه ايه في الصعيد نقل كميه كتب في رساله الماجستير والدكتوراه وعلي شويه ابحاث وميش هو الواحده ده في ناس كتيربتعمل كده وما شاء الله الهم لا حسد ماشيه معاهم فلقيت الواد بيضحك وقالي انا مانفعش فقلتلو يا عم ولا يهمك رقبتي ليك انا ممكن اجيبلك تكتك ولا عربيه نص نقل وتنقل فيه زي منتا عايز وا بقي ردهملي لما تتنغنغ والعمليه تمشي ده انت حبيبي فجاه لقيت الواد بيضحك اوي وبيهذي قلت ده ميش مصدق نفسه وبعدين لقيته بيعيط
يا تري بيعيط ليه الي يعرف يقولي
وعندك واحد كابتشينو

النشره الرياضيه

والان مع النشره الرياضيه في القهوة
نشرتنا نشره ميش عاديه نشره كله مواضيع جامده
اول موضوع في اول حلقه هنتكلم علي الدوري المصري لسياسه القدم (ده الدورى الى بيلعب فيه الضباط بالناس ويشوتوهم)
ومش يفرق كتير عن الدوري بتاع الكورة اهو برضه مفهوش الي قطبين والباقي بيصارع علي البقاء طبعا الدورى محسوم للقلعه الخضراء(الحزب الوطنى) وينافسها
القلعه البيضاء(الاخوان) طبعا الحزب حسم الدورى اشى تحكيم وغش بقي منشطات قصدي بلطجيات
وياعيني كل متتطلع فرقه تنافس روح الحزب جري شريهم وحتتهم في الحبس يلا مهو اغتراف كل واحد يغرف زى مهو عايز
يلا توووووووووووووووووووووووووووووووووووووووووت
هاف تايم