المسامح كريم

حكومتنا يا جماعه حكومه مؤمنه عشان كده قالت ان الشعب غلبان ومش ناقص غلب اكتر فقالت ان الي يسرق اقل من ميت الف جنيه ميتحولش للنيابه العامه والي يحاكم الراجل ده الجهه الاداريه الخاصه بيه يعتي لو سارقين سوا يا عم مش مشكله اهو المسامح كريم طب لو اكتر من ميت الف جنيه ايه الي يحصل ان النيابه هتحقق ولو الراجل رجع الفلوس ويبقي يا سيدي المسامح كريم بجد يا جماعه الناس عداها العيب وازح برافو حكومه

حمله تنظيم الاسره 2

يا جماعه فوقوا بقي الحكومه بتحاول تساعدكوا انا مش عارف الناس بتوع المعارضه دول مالهم بس ليه مش قادرين يفهموا نظريه الحكومه الفذه في تنظيم الاسره يعني الحكومه هتعمل للناس ايه هما الي ميش بينظموا يعني هما كانوا عايزين يكسبو ممدوح اسماعيل فلوس ابدا لكن قالولك الراجل ساعد البلد وخلصها من مشاكل حوالي الفان وشويه وايه دول مش اي ناس دول من الغلابه بقي الي ليهم مصاريف وعايزين دعم والحاجات دي الله بقي ولا الراجل بتاع انابيب الي انا مش عارف اسمه ايه برضه قال ده واجب وطني ولازم اشارك فيه ده انا مصري بس وقام عامل الانابيب بايظه والناس تتخنق وتموت وشوف بقي عشان الراجل نيته صافيه فبقي معظم الي بيموتوا من العرسان فدي بقي خدمه اكبر لان دول لسه هيخلفوا بقي ويجيبوا عيال بجد برافوااااااااااااا تصفيقحاد للحكومه

تنظيم الاسره

اكيد الي هيقره العنوان هيقول ايه ان انا بقيت مع حمله اسال استشير لا يا جماعه انا لقيت ان الحكومه بتعمل كل الي في طاقتها عشان تنظيم الاسرة والناس مش بتسمع الكلام فلما لقيت الموضوع كده قلو نتصرف احنا وننظم احنا الاسر وفعلا ابتدت المشاريع
ايشي عباره وايشي دم ملوث وايشي قطارات وايشي مبيدات مسممه محتاجين بجد مساعده بجد برافو حكومه